Kandidati për Bashkinë e Tiranës për PD-në e drejtuar nga Alibeaj, Roland Bejko është shprehur se kandidati i koalcionit “Bashkë Fitojmë” për kryeqytetin, Belind Këlliçi ka bërë zgjedhjen e gabuar.
I ftuar në emisionin “Opinion” në Tv Klan, Bejko thotë se Këlliçi, sipas tij, po kandidon për një “non grata” të izoluar nga Perëndimi.
Roland Bejko: Kam hyrë në garë për të dalë i nderuar nga kjo garë dhe janë qytetarët që do ta vlerësojnë. Ne nuk mund të linim ne që e djathta të përfaqësohej nga një socialist si Ilir Meta, sot je në këtë parti, nesër shkon në tjetër. Këlliçi ka bërë zgjedhjen e gabuar sepse po kandidon për një non grata, i izoluar nga Perëndimi. Tani është non grata, ka edhe pjesën tjetër që u largua për shkak të korrupsionit, e për pengimin e drejtësisë. Shqipëria është një vend me demokraci të brishtë dhe vetë Berisha përfaqëson berishizmin. Nëse jemi pakicë, nuk e dorëzojmë vulën dhe identitetin e PD-së tek non grata. Nëse shumica e do atë, të vendosë një sigël. Ne jemi të ndarë dhe të përçarë nga Sali Berisha. Nëse humbasim zgjedhjet, do të vijojmë të ruajmë busullën euroaltantike. Qytetarët shqiptarë presin shpresën dhe nuk e presin tek një opozitë e korruptuar. Pika tjetër është garancia që ne japim me programin tonë, ne kemi një program të thjeshtë. Është tek integriteti i të gjithë partisë politike të PD-së. Linja jonë e filozofisë është që ta çlirojmë Tiranën nga duart e krimit të organizuar.
/a.r
