Së fundmi drejtuesit e WhatsApp janë duke punuar për të sjellë 5 ndryshime të rëndësishme në aplikacion dhe këto tashmë janë në fazë testimi.
Aplikacioni ka nisur testimet e ndryshimeve të rëndësishme në versionin e tij Beta dhe ato mund të aktivizohen në një periudhë jo të largët.
Ja çfarë po vjen:
1. Një veçori e re që ju lejon të krijoni lidhje për t’u bashkuar me telefonatat.
2. Aftësia për t’u fshehur kur jeni në linjë në WhatsApp.
3. Një veçori që ju lejon të krijoni dhe ndani sondazhe në bisedat në grup.
4. Një modalitet i ri i kamerës për të regjistruar lehtësisht video.
5. Aftësia për të ruajtur mesazhet që zhduken si mesazhe të mbajtura.
Së fundmi rikujtojmë se WhatsApp do të mundësojë shpërndarjen e mesazheve zanore si përditësim i statusit. Në këtë mënyrë, mund të ndani mesazhe të shkurtra zanore me kontaktet tuaja.
Nëse më parë përdornit opsionin “Screen recording” në celular për të ndarë një mesazh zanor, tani do jetë më e thjeshtë. WaBetaInfo, të cilët testojnë opsione të reja në aplikacion, thanë se kjo risi është në versionin beta të tij, në pajisjet Android.
/e.d
