Deputeti Kostaq Papa, gjatë fjalës së tij nga foltorja e Kuvendit, kërkoi që shteti t’i kthejë atij një shtëpi, për të cilën tha se i është marrë 50 vite më parë.
Në lidhje me këtë çështje, ai deklaroi se ka vënë në dijeni kryeministrin Edi Rama dhe kryeparlamentarin Gramoz Ruçi.
“ILDKP është një institucion i rëndësishëm dhe ne i përgjigjemi sa herë na kërkon pasuritë. Unë i listova pasuritë e mia por njëra prej tyre edhe pse është e listuar nuk ekziston. Shteti ka ende pasuri që ia ka marrë qytetarëve në mënyrë të paligjshme. Kështu edhe mua para 50 vitesh kur unë isha i vogël shteti më mori rininë, fëmijërinë më mori dhe shtëpinë. Dhe ende nuk ma ka kthyer. Dhe unë iu drejtova kryeparlamentarit. Ai tha se do më ndihmonte. Për dijeni dhe kryeministrit. Takova dhe drejtues të pushtetit lokal të kryeqytetit të Tiranës ku unë jam si deputet për ta mbyllur këtë gjë sipas të drejtës që më takon.”
/a.r
