Kalimi i Daniele De Rossit nga Roma te Boca Juniors bëri bujë të madhe, me 36-vjeçarin që u largua nga kryeqyteti italian mes shumë polemikave.
Gjithsesi, ende pa u mbushur dy muaj nga transferimi i tij në Buenos Aires, ish-kapiteni i Romës mund të largohet. Këtë gjë kanë raportuar mediat argjentinase së fundmi, sipas të cilave, arsye kryesore janë dëmtimet e shumta.
Përveç dëmtimeve, edhe zgjedhjet politike që do të mbahen në Argjentinë, mund të sjellin ndryshime në klub dhe qëndrimi i De Rossit duket shumë i vështirë.
Që nga kalimi i tij te Boca Juniors, 36-vjeçari ka luajtur vetëm 5 takime, një prej të cilëve mbylli pas vetëm 10 minutash, si pasojë e një dëmtimi.
