Të jesh i famshëm përveç së është kënaqësi, po ashtu është edhe një lloj sakrifice që për të tjerët nuk është e dukshme.
Kjo sakrificë lidhet me mungesën e personave të dashur me të cilët rallë herë të bjen të kalosh kohë. Një gjë të tillë po e përjeton edhe Bebe Rexha.
Asaj po i mungojnë personat e dashur. Ndonëse ishte në një prej dhomave luksoze të një hoteli në Dubai ajo përmes Snapchat ka lënë një mesazh prekës për të gjithë ndjekësit e saj.
“Në radhë të parë jam shumë e bekuar që bëj atë çka dua dhe për këtë dua t’ju falënderoj të gjithëve që më keni mbështetur. Por sërish kjo gjë është shumë e vështirë. Jam në dhomën më të madhe në botë, kam ushqim, kam pije, kam gjithçka që dua, por nuk kam afër njerëzit që dua më shumë. Dua mamanë time ose shoqen time të ngushtë, a rrihet kështu vetëm”, tha ajo./express
c.a
