Misioni detar i Bashkimit Evropian “Irini”, që vepron në Mesdheun Qendror për zbatimin e embargos së armëve ndaj Libisë, ka ndaluar cisternën e naftës MV SOUTH STAR, e dyshuar se bën pjesë në të ashtuquajturën “flotë fantazmë” të Rusisë.
Operacioni i hipjes në bord u zhvillua më 20 korrik dhe kishte si qëllim verifikimin e flamurit të anijes. Ky është një nga hapat më të fundit të Bashkimit Evropian për të shtuar kontrollin ndaj rrjetit të anijeve që dyshohet se përdoren nga Moska për të anashkaluar sanksionet ndërkombëtare.
Sipas saj, shtetet anëtare kanë miratuar këtë javë edhe zgjerimin e mandatit të misionit detar Atalanta, që operon në Oqeanin Indian, duke e autorizuar të kryejë operacione hipjeje në bord për të verifikuar flamurin e anijeve të dyshuara si pjesë e flotës fantazmë ruse.
“Ky vendim e ngushton edhe më tej rrjetin”, u shpreh Kallas, duke theksuar se Bashkimi Evropian po forcon masat për të kufizuar aktivitetin e anijeve që dyshohet se ndihmojnë Rusinë të shmangë sanksionet e vendosura pas nisjes së luftës në Ukrainë.
