Pas ngjarjeve tragjike në Paris, BE ka vendosur të mblidhet të premten e ardhshme në një takim urgjent të Ministrave të Drejtësisë, bazuar mbi kërkesën e Francës për të diskutuar mbi pozicionin dhe përgjigjen e BE-së ndaj sulmeve teorriste.
Lajmin e bëri të ditur përmes një deklarate, shteti kryesues i Preisdencës së BE, Luksmburgu.
“Përballë barbarizmit dhe terrorizmit, Europa qëndron e bashkuar me Francën. Pas ngjarjeve tragjike në Paris, kjo mbledhje e jashtëzakonshme e Këshillit të Drejtësisë dhe Marrëdhënieve të Brendshme do të forcojë përgjigjen europiane, ndërkohë që do të garantojë edhe ndjekjen e masave që do të merren”.
Sulmet terroriste të mbrëmjes së të premtes në Paris kanë marrë të paktën 129 jetë njerëzish të pafajshëm, ndërsa lanë të plagosur rreth 352 të tjerë, disa prej të cilëve në gjendje të rëndë.
Presidenti francez, Francois Hollande por po ashtu edhe Kryeministri vendit Valls, e cilësuan sulmin terrorist si një akt lufte që do të marrë përgjigjen e merituar.
