BRUKSEL-BE-ja është e vendosur të ruajë marrëveshjen bërthamore iraniane, pas vendimit të presidentit amerikan Donald Trump për t’u tërhequr, deklaroi sot në mbrëmje në Romë shefja europiane e diplomacisë, Federica Mogherini.
“Marrëveshje e Vjenës 2015 i përgjigjet objektivit të saj që është garantimi që Irani të mos zhvillojë armë bërthamore, Bashkimi Europian është i vendosur që ta ruajë atë”, insistoi Mogherini.
Ajo u shpreh gjithashtu veçanërisht e shqetësuar pas njoftimit të sanksioneve të reja amerikane kundër Teheranit nga presidenti Trump.
Nderkohe edhe Presidenti francez Emmanuel Macron ka reaguar pas konferencës për shtyp të presidenti Donald Trump dhe vendimit të tij për t’u tërhequr nga marrëveshja bërthamore. Presidenti francez shpreh keqardhje për vendimin e Trump dhe sipas tij ky vendim mund të vërë në rrezik përhapjen bërthamore.
“Franca, Gjermania dhe Britania e Madhe e kanë keqardhje vendimin e SHBA për të lënë marrëveshjen bërthamore me Iranin (JCPOA). Regjimi i mospërhapjes bërthamore është në rrezik”, ka përfunduar Macron.
a.ç
