Kryeministri Edi Rama ka reaguar në rrjetet sociale pas lajmit të mirë nga Brukseli, ku Këshilli i Bashkimit Evropian miratoi çeljen e negociatave për 8 kapituj të rinj për Shqipërinë, të përfshirë në Grupin 3 të procesit të anëtarësimit.
“RRUGA DREJT SHQIPËRISË2030 VAZHDON PA NDALIM”, shkruan Rama në një postim të shpërndarë në rrjetet sociale, duke theksuar se hapja e këtyre kapitujve përfshin fusha kyçe si arsimi, digjitalizimi, punësimi, politika ekonomike, tatimet dhe inovacioni.
Kreu i qeverisë nënvizoi se deri më tani janë hapur 24 kapituj brenda vetëm 8 muajve, ndërsa mbeten edhe 11 të tjerë për t’u hapur. Ai e cilësoi këtë ritëm si “tejet të lartë” dhe një dëshmi të qartë të progresit të Shqipërisë dhe mbështetjes së Bashkimit Evropian për realizimin e objektivit të përbashkët – mbylljen e negociatave deri në vitin 2027.
Postimi i plotë:
Reagimi:
RRUGA DREJT SHQIPËRISË2030 VAZHDON PA NDALIM
Këshilli i BE miratoi çeljen e negociatave për 8 kapituj të rinj nga Grupi 3:
Konkurrueshmëria dhe Rritja Gjithëpërfshirëse, që përfshin arsimin, digjitalizimin, punësimin, politikën ekonomike, tatimet dhe inovacionin
✅Deri tani janë hapur negociatat për 24 kapituj në vetëm 8 muaj dhe mbeten vetëm 11 të tjerë për t’u hapur – një ritëm tejet i lartë që tregon përparimin e Shqipërisë dhe mbështetjen e BE-së për të arritur objektivin e përbashkët të mbylljes së negociatave më 2027
Nuk munde ta kuptojme,kyt dhoje mashtrimi brutal,si mundetet,konkretisht vendi jone,Shqipria te behet pjese e be ne vitin 2030.Pronari i ps she edvin k/hajduti,fale gjobat 2015 – 2025,sigurisht miliona euro.Fale njerzit abuzuan,vodhen,shkelen ligjin,dhe ende skane paguar gjobat.Me kto sandarta,do behet Shqipria pjese e be,k/hajduti e dine,ne vendet e be,eshte e pa mundur,te mose paguash gjobat.Atehere ku jane sandartete qe Shqipria te behet pjese e be,ky rrene e mashtron popullin,mjeran e fukara.Ky eshte absurditet,eshte nja nga skandalet e shumta,qe jane ne shkelje te ligjeve sandarteve,te kerkuara nga be.