Forcat ruse në termocentralin e madh bërthamor në Evropë në Ukrainë po përdorin “taktika terroriste” për të nisur sulme me raketa ndaj civilëve.
Sipas burimeve për BBC në ambientet e jashtme të termocentralit bërthamor të Zaporizhzhia ndodhet një tank i mbuluar rus.
Rusia kontrollon centralin e Zaporizhzhia dhe zonat përreth, afër territorit të mbajtur nga Ukraina. Zyrtarët perëndimorë kanë dhënë alarmin për taktikat e Rusisë atje.
Centrali bërthamor Zaporizhzhia shtrihet në juglindje të Ukrainës përgjatë bregut lindor të lumit Dnipro.
Aktualisht është ende duke u operuar nga punonjës ukrainas nën mbikëqyrjen ruse. Centrali përbëhet nga gjashtë reaktorë uji nën presion dhe ruan mbetje radioaktive.
Në përditësimin e saj të përditshëm të inteligjencës, ministria e mbrojtjes e Mbretërisë së Bashkuar tha se Rusia po përdorte zonën për të nisur sulmet duke përfituar nga “statusi i mbrojtur” i termocentralit bërthamor për të zvogëluar rrezikun e sulmeve gjatë natës nga forcat ukrainase.
Kreu i agjencisë bërthamore të OKB-së, Rafael Grossi, paralajmëroi këtë javë se centrali është “plotësisht jashtë kontrollit” . Çdo incident në termocentral mund të ketë pasoja katastrofike.
/e.d
