Banka Botërore vlerëson qeverinë për menaxhimin e borxhit, por kritikon menaxhimin e investimeve publike kur në krye të ministrisë së Infrastrukturës ishte LSI.
Një raportin e BB ajo që bie në sy është fakti se problemet gjenden vetëm në sektorin e drejtuar prej LSI, specifikisht nga ish-ministri i Infrastrukturës, Edmond Haxhinasto. Në raport thuhet saktësisht “Menaxhimi i borxhit është një fushë me performancë të fortë. Në kontrast, menaxhimi i investimeve publike mbetet një sfidë”.
Pra, nëse në rastin e borxhit ka nota vlerësuese për ecuri pozitive, kur vjen puna te menaxhimi i investimeve publike ka probleme dhe akoma mbetet sfidë e hapur.
Për ta konkretizuar këtë, BB në raportin e saj jep edhe raste konkrete keqmenaxhimi investimesh publike, kur shkruan se: ‘’Shqipëria investon mesatarisht 600 milionë euro në vit në projekte publike si rrugë, shkolla apo vepra të tjera. Por veçanërisht veprat madhore, zgjaten me disa vite përtej afateve, siç është rasti i rrugës Elbasan-Tiranë por edhe by pass-et e Fierit dhe Vlorës. Zgjatja e afateve përveçse rrit koston për qytetarët dhe ul efektivitetin e tyre ka dhe kosto sociale.’’
Kujtojmë se në dhjetor të 2017, ministri i Infrastrukturës dhe Energjisë, Damian Gjiknuri, ka dorëzuar dje një dosje voluminoze në organin e akuzës. Shkak për këtë kallëzim është bërë rruga Elbasan-Tiranë, pasi pas një auditi të kryer pranë Autoritetit Rrugor Shqiptar është konstatuar një dëm prej 54 milionë dollarësh ndaj shtetit mbi zbatimin e kontratave për ndërtimin e këtij segmenti rrugor. Kallëzimet penale kanë nisur me ish-kreun e Autoritetit Rrugor Shqiptar, Dashamir Xhikën, i vendosur në atë pozicion nga LSI, nën varësinë e ministrisë së Infrastrukturës.
Këtë e konfirmon edhe raporti i BB, i cili i vë vulën menaxhimit të keq të këtij sektori nga LSI, parti sot në opozitë.
Në raportin e posaçëm ku skanon shpenzimet buxhetore dhe menaxhimin e financave publike në Shqipëri, banka shpjegon dhe arsyet se pse menaxhimi i investimeve është problematik. “Të dhënat jo komplete, sistemet e dobëta të mbikëqyrjes të shoqëruara me ndërhyrjet politike cenojnë efektivitetin dhe efiçencën e vendimeve për menaxhimin e investimeve publike”, thuhet më tej.
Sipas Bankës këto probleme kërkojnë vëmendje të shtuar, duke përfshirë mungesën e vlerësimeve gjithëpërfshirëse për projektet publike, si dhe mbikëqyrjen e tyre./Lexo.al
