Banka Botërore ka prezantuar sot në Tiranë raportin ekomomik rajonal. Gazetarët pyetën ekonomistët e BB edhe lidhur me vendosjen e tarifës në Rrugën e Kombit. Sipas institucionit ndërkombëtar, vendosja e tarifës është e nevojshme por duhet parë me kujdes trajtimi i banorëve të zonës të cilët duhet të kenë lehtësira.
“Pagesa në rrugën e Kombit është e nevojshme, por duhet të merren parasysh nevojat e banorëve të zonës”, tha përfaqësuesja e Bankës Botërore gjatë konferencës në Tiranë.
Ndërkohë sipas BB duhet bërë kujdes me kontratat e Partneritet Publik-Privat.
“Duhet të fuqizohet mënyra si vlerësohen PPP. Ministria e Financave të luajë rol me rëndësi për të menaxhuar PPP. Së pari duhet parë si ndikojnë te borxhi publik. Nëse shërbimi është i duhur, ndarja mes sektorit privat dhe shtetëror. Nga eksperienca jo të gjitha PPP kanë rezultuar të suksesshme, ndaj mund të ketë rreziqe. Për t’i minimizuar duhet përmirësuar roli monitorues”, tha Hilda Shijaku, ekonomiste e BB.
Më tej, ekonomistja e Bankës Botërore, tha se politikat monetare kanë mbështetur rritjen ekonomike dhe eksportet kanë pasur performancë të mirë.
“Politikat monetare kane mbështetur rritjen ekonomike dhe borxhi në vitin 2017 është ulur në 71%. Inflacioni është mesatarisht 2%, poshtë objektivit te BB. Rritja ekonomike pritet te arrije ne 3.5 %, por rrezik mbetet, regresi ne politikat e brendshme. Duhet te vijoje reforma ne energji.”, tha ajo./a.m.
