Mesnatën e ndërrimit të viteve ka patur një fluks të shtuar të qytetarëve që kanë pasur nevojën për ndihmë mjekësore. Në spitalin rajonal të Gjirokastrës rreth 15 persona kanë marrë ndihmën shëndetësore si shkak i problemeve me alkoolin dhe ushqimet.
Gjithashtu ndihmë mjekësore është dhënë edhe në disa raste për shkak të helmimeve nga produktet ushqimore. Me një numër të lartë të rinjsh të paraqitur në gjendje të dehur raportohet edhe urgjenca e Spitalit Rajonal Fier.
Sipas burimeve spitalore të rinjtë kanë qenë kryesisht të grupmoshës 20- 30 vjeç dhe kanë paraqitur simptoma te intoksikacionit ,ndërsa tre persona kanë marrë lëndime të lehta nga fishekëzjarret.
