Mbledhja e sotme e grupit parlamentar të PD-së me ambasadorët, ka pasur dy anë aspak të këndshme. E para bojkti i ish kryeministrit Berisha dhe deputeti Genc Ruli në këtë mbledhje, dhe e dyta mungesa e taktit dhe e mirësjelljes nga ana e deputetes, Jozefina Topalli. Kjo e fundit, ndonse ka shkuar dhe me vonesë në këtë mbledhje, ende pa përfunduar takimi është çuar dhe është larguar duke lakuar si arësye faktin se “kishte një takim me ambasadorë të tjerë”. Një batutë apo një përpjekje ironizuese duke e krahasuar rëndësinë e ambasadorëve të SHBA dhe BE të njëjtë me ambasadorët e tjerë në vend?
Por në fakt, duket se pakënaqësia e Topallit ka qenë edhe tek minutazhi i këtij takimi, i cili ka zgjatur më shumë se me grupet e tjera parlamentare. “Nuk mendova se takimi me ambasadorët do të zgjaste 90 minuta”, u shpreh Topalli. Ish kryetarja e Kuvendit ka qenë kritike e ashpër e takimit të ambasadorëve Lu dhe Vllahutin me grupin e PD-së për Reformën në Drejtësi. Një paranojë kjo e armikut të jashtëm? Gjithësesi mungesa e etikës nga ana e personazheve që kanë pasur poste të larta shtetërore dhe linja e bojkotit kanë qenë gjithnjë një vijësjellje e lidershipit të PD-së.
(javanews.al) Ma. Me
