Bastisja e rezidencës nga FBI nuk e ndal Trump drejt rrugës së rikandidimit.
Ligjvënësi republikan, Jim Banks ka deklaruar se ish-presidenti Donald Trump mbetet “shumë optimist”. Ai ka deklaruar se pavarësisht bastisjes së FBI-së në Mar-a-Lago ai ka vendosur për të kandiduar në vitin 2024.
Jim Banks ishte një nga shumë anëtarët e Komitetit të Studimit Republikan të Dhomës së Përfaqësuesve që takuan Trump vetëm një ditë pas bastisjes tronditëse në pronën e tij në Florida.
“Ai nuk dukej aspak i mundur – ai ishte shumë i emocionuar, shumë optimist,” tha Banks për Fox News për bisedën “e gjatë tre-orëshe” në klubin e golfit të Trump në Neë Jersey, Bedminister.
Më tej republikani u shpreh se është çështje koha bërja publike e vendimit të Trump për të kandiduar për në Shtëpinë e Bardhë.
“Partia Republikane është më e madhe dhe më e fortë se kurrë më parë për shkak të udhëheqjes së Donald Trump,” këmbënguli kryetari i komitetit të studimit.
/a.r
