Zëdhënësja e Partisë Demokratike, Floriana Garo ka publikuar disa dokumente, që sipas saj tregojnë se kompania e Agron Kapllanajt, ish-kryebashkiakut të Mallakastres ka fituar shumë tendera.
Sipas dokumenteve, kompania e Kapllanatj renditet nder 11 kompanitë e klienteles se Rames ne raport me tenderat e fituar nga pushteti.
“Me këtë rast, i kujtojmë Kapllan Pallatit dhe Alibashes se tij se ne fotot e faqeve qe po postojmë me poshtë, gjenden dhjetëra e dhjetëra tendera me vlere dhjetëra miliona euro te fituara nga firma e tij familjare nga regjimi Rama”, shkruan Garo.
REAGIMI I FLORIANA GAROS
“Lidhur me mohimin e tenderave te fituar nga firma e Kapllan Pallatit nga regjimi i Edi Rames!
Dje, me nje status si te shkruar nga Alibasha, Kapllan Pallati reagoi ndaj deklaratës se Kryetarit te PD ne emisionin Open, ne te cilin ai akuzoi Alibasho-opoziten, ne rastin konkret Kapllan Pallatin, si opozite tendermenesh te qeverise Rama.
Ai jo vetem mohoi dhjetra e dhjetra tendera qe kompania e tij familjare ka fituar si shperblim per opozitarizmin e forte nga regjimi i Edi Rames, por kercenoi edhe me padi ne gjykata.
Me kete rast, i kujtojme Kapllan Pallatit dhe Alibashes se tij se ne fotot e faqeve qe po postojme me poshte, gjenden dhjetra e dhjetra tendera me vlere dhjetra miliona euro te fituara nga firma e tij familjare nga regjimi Rama. Gjithashtu, me poshte do te gjeni edhe tabelen e nje studimi ne te cilen kjo kompani renditet nder 11 kompanite e klienteles se Rames ne raport me tenderat e fituar nga pushteti”.
REAGIMI I KAPLLANAJT
Nje dite me parë, ish-kryetari i Bashkisë së Mallakastrës, Agron Kapllanaj iu përgjigjur akuzave te bera nga ish kryeministri Berisha në emisionin “Open” në News24, i cili tha se ka fituar 97 tendera dhe para me thasë nga tenderat dhe inceneratorët.
Në një reagim të gjatë në rrjetet sociale, Kapllanaj e quan kreun e PD, mashtrues, ndersa i drejtohet me fjalët “Dëgjo këtu ti, Sali Berisha! Mua do të më kesh përballë, deri ditën që ti do të shporresh dhe të çlirosh nga pengmarrja Partinë Demokratike!”
AKUZAT E BERISHES
Sali Berisha ka akuzuar ish-kryetarin e degës së PD në Mallakastër, Agron Kapllanajn se ka fituar me kompaninë e tij, para nga inceneratorët. Sipas Berishës, Kapllanaj është njeri shumë i besuar i Enkelejd Alibeajt.
