Kreu i grupit parlamentar të PD, Enkelejd Alibeaj, i ftuar mbrëmjen e sotme në emisionin “Open” në News24 u ndal te dështimi i negociatave me grupin e Sali Berishës, ndërsa pohoi futjen në zgjedhje me kandidatë jo të përbashkët.
Përballë gazetarëve në panel, ai tha se një ditë më parë Kryesia e PD një natë më parë ka marrë vendimin për fillimin e procesit të riorganizimit të PD në funksion të zgjedhjeve.
“Dje ka pasur një vendim të kryesisë së PD, nga momenti që sipas Palokës ka një mënyrë që kush do të kandidojë të vijë të kandidojë të primare, ajo që u vendos është fillimi i procesit të riorganizimit të PD në funksion të zgjedhjeve.
PD do futet në zgjedhje, dhe ky term i përfshinë të gjitha. Nga 29 anëtarë të kryesisë së PD, ishin pjesëmarrës 18, 15 fizikisht dhe 3 kanë qenë prezentë online sepse nuk kanë qenë në Shqipëri.
Ajo çfarë është e rëndësishme është që secili nga anëtarët, e kanë shprehur në mbledhjen e grupit qëndrimin e tyre, dhe nuk ka asnjë dyshim. Grupi parlamentar dhe kryesia e PD i merr vendimet në mënyrë kolegjiale.
Ata nuk janë njerëz pa identitet, por janë njerëz politik, do ishte e tepërt të diskutonim për vullnetin e tyre në mbledhjen e Kryesisë”, deklaroi ai.
/a.r
