Pavarësisht problematikës së krijuar me drejtimin e Bashkisë Vorë, kjo e fundit ka miratuar buxhetin e vitit 2020.
Ka qenë Këshilli Bashkiak ai që me 13 vota pro, 1 kundër dhe 7 abstenim i ka hapur dritën jeshile investimeve për vitin e ardhshëm. Por jo vetëm kaq. JavaNews mëson se në buxhetin 2020, parashikohet fondi për mbrojtjen civile në masën 4 përqind, ose e thënë ndryshe rreth 39.5 milionë lekë të reja. Ky fond pritet të zvogëlojë riskun nga fatkeqësitë natyrore.
Nënkryetari i Bashkisë Vorë, Gentian Picari, thotë për JavaNews se për përballimin e këtyre rasteve do të shërbejë edhe fondii kontigjencës i cili është planifikuar në vlerën 23 milionë lekë të reja.
“Programi i shpenzimeve të përgjithshme sipas funksioneve në buxhetin e bashkisë për vitin 2020 parashikohet në vlerën 985.563.791 lekë. Shpenzimet kapitale përfshijnë investimet afatgjata të cilat bashkia ka vendosur t’i përfshijë në Buxhetin 2020-2022. Ndërkohë që për vitin e ardhshëm shpenzimet kapitale parashikohen të jenë mbi 464 milinë lekë, ose në terma relativë 47 përqind” – shprehet zyra e financës pranë Bashkisë Vorë.
g.kosovari
