Bashkia e Tiranës ka nisur vijëzimet dhe vendosjen e sinjalistikës së duhur nëpër rrugët e kryeqytetit.
Kryetari i bashkisë, Erion Veliaj, u ka kërkuar qytetarëve respektimin e sinjalistikës, duke thënë se jeta vjen e para. Këtë gjë e ka bërë me dije përmes statusit të rrjetit social “Facebook”.
“Kolegët tanë të DPN2 punojnë çdo ditë për të pajisur me vijëzimet dhe sinjalistikën e duhur rrugët e qytetit. Respektoni këmbësorët, shpejtësia në qytet 30km/h, jeta është e para”, shkruan Veliaj.
Gjatë këtij muaji, bashkia po merret edhe me riparimet nëpër shkolla për të qënë gati në datën 1 shtator.
