Gati terreni më i ri sportiv në kryeqytet që do t’u shërbejë të rinjve për një jetë aktive në natyrë.
Një fushë e re basketbolli rreth 200 m2 pranë rrugës “Emil Legrand” do të zëvendësojë atë ekzistuese, e cila përbënte shqetësim për banorët.
Fusha e re do të jetë më larg objekteve të banimit dhe e rrethuar me gjelbërim, çka do të shërbejë dhe si barrierë akustike në zonë.
Krahas rehabilitimit të blloqeve të banimit, Bashkia e Tiranës ka treguar një vëmendje të veçantë dhe për shtimin e terreneve sportive me qëllim masivizimin e sportit në kryeqytet.
