Kreu i Partisë Demokratike Lulzim Basha ka uruar në Facebook kryeministrin hungarez Viktor Orban për fitoren e mandatit të tij të tretë.
“Përgëzime për Kryeministrin Viktor Orban dhe partinë tonë simotër FIDESZ për fitoren e thellë për një mandat të tretë qeverisës. Hungarezët i dhanë mbështetje masive të djathtës dhe vazhdimit të qeverisjes që i ka sjellë vendit zhvillim të ndjeshëm ekonomik dhe mirëqenie”, shkruan Basha.
Ai vijon më tej duke u shprehur se “suksesi i FIDESZ është një tjetër fitore domethënëse e të djathtës europiane, pas atyre në Austri dhe Gjermani dhe veçanërisht për Partinë Popullore Europiane, familjen politike të Partisë Demokratike”.
Kryeministri euroskeptik dhe hungarez Viktor Orban ka triumfuar në zgjedhjet parlamentare duke fituar mandatin e tretë radhazi që nga 2010 në një votim me pjesëmarrje rekord.
a.ç
