Kryedemokrati Lulzim Basha, një ditë pas paktit të parë mes palëve për Reformën Zgjedhore ka garantuar shqiptarët se ky është vetëm fillimi i betejës, një arritje pas këmbënguljes së opozitës dhe presionit ndërkombëtar.
Në një deklaratë për mediat, Basha theksoi se “Pavarësisht prej propagandës së shfrenuar të atij që për 4 muaj anashkaloi kushtet e Bunestagut, Reforma zgjedhore nuk do të diktohet nga qeveria e dalë me votat e blera dhe pseduopozita e blerë më paratë e krimit dhe oligarkisë”.
Ulja në një tryezë me Damian Gjiknurin nuk është amnisti për shit-blerjen e votës, tha kryedemokrati Lulzim Basha.
“Detyra ime është t’iu tregoj se teza që u legjitimua Gjiknuri është e shpërndarë nga propaganda e Ramës, pre e të cilës mund të ketë rënë ndonjë naiv. Shqipëria do të ndryshojë përmes të njëjtave mekanizmave në Evropë: Zbatimi i ligjit. Në kushtet e Bundestagut është fillimi i ndjekjes penale, kundër blerjes së votave, kusht i përforcuar me arrestimin. Nuk ka për të pasur amnisti as për Gjiknurit, as për Dakon, as për Avdylajt, për askënd që është përfshirë në shit-blerjen e votave. Dërgimi i tyre aty ku e kanë vendin është përparësi. Këta janë të gjithë ushtarë të Edi Ramës. Ndaj stigmatizimi i procesit të reformës zgjedhore nuk është gjë tjetër veçse rënie viktimë e kësaj propagande“, tha Basha.
g.kosovari
