Kreu i PD, Lulzim Basha foli në Top Story mbi hetimin e CEZ, debatet brenda Partisë Demokratike, dekriminalizimin, reformën në drejtësi dhe atë zgjedhore dhe hodhi për herë të parë propozimin për shkurtimin e numrit të deputetëve në Kuvendin e Shqipërisë.
“Unë jam për tkurrjen e deputetëve në Parlamentin shqiptar ku të përfaqësohet çdo shqiptar përmes demokracisë së re pjesëmarrëse”tha Basha.
Përsa i përket një takimi të mundshëm me kryeministrin Rama, kreu i PD u shpreh se është gati të bëjë një gjë të tillë. “Në formimin tim nuk jam dhe s’kam qenë asnjëherë kundër takimit për të zgjidhur problemet e njerëzve”.
Basha mohoi aludimet per nje koalicion me LSI duke thënë se ”PD nuk synon pazare për pushtet, por t’u japë një alternativë shqiptarë për të cilën po punojnë për programin, ekipin dhe brenda programit pjesën politike dhe ekonomike”.
Pjesë e debatit ishte edhe cështja më e nxehtë e momentit, marrëveshja me CEZ dhe kompania DIA.
Kreu i opozitës u shpreh se të gjithë janë të shqetësuar me cështjen CEZ brenda dhe jashtë vendit dhe PD nuk do të ndalet deri sa të zbardhet e vërteta.
“Privatizimi nisi 1 vit e gjysmë para marrjes së presdencës nga çekët, në privatizim në rreshtimin e tyre.
E dyta ishte edhe ENEL-i dhe nuk bëri asnjë ankesë, asnjë kompani nuk u ankua për procesin e privatizimit, përkundrazi me shkrim vlerësuan procesin e privatizimit si ndër më të suksesshmin në Europën Lindore.
Kjo nuk krahasohet me akuzat e tjera, që nuk i bëmë ne. KLSH ka bërë punën e vet dhe ka bërë një raport dhe Gjiknuri nuk jep asnjë argument, thotë KLSH është PD.
Nuk shkon kjo. Të gjithë janë të shqetësuar për këtë, avokatët tanë ndërkombëtarët, gazetarët e rrjetit BIRN, opozita, KLSH, qytetarët kërkojnë përgjigje, të vetmit që nuk janë të shqetësuar janë Edi Rama dhe Ilir Meta. Pse e bënë të pamundur hetimin në marrëveshje?
Ndërsa pyetjes së përpse qeveria e PD nuk e dërgoi cështjen në arbitrazh, pasi ka nisur nga Janari i 2013, Basha tha se ishte qeveria Berisha që e dërgoi në gjykatë, por e tërhoqëi Rama.
“Qeveria Berisha e çoi çështjen në arbitrazh. Ka patur fërkime gjatë gjithë kohës me CEZ. Kishim një vit në luftë me CEZ. Kjo u kthye në një luftë që bëhej në sytë e publikut” përfundoi Basha.
