Policia e Tiranës ka njoftuar arrestimin e 3 shtetasve me akuzën e vjedhjes së kryer në bashkëpunim, prodhimit dhe mbajtjes pa leje të armëve luftarake e municionit dhe prodhimit dhe shitjes së narkotikëve.
Tre të arrestuarit përgjatë një viti në bashkëpunim me njëri-tjetrin, kanë vjedhur 22 furgona.
Në cilësinë e provës materiale janë sekuestruar 2 automjete të vjedhura, një armë zjarri dhe 2.2 kg lëndë narkotike.
Të arrestuarit janë Samuel Baça (43 vjeç), Qamil Lala (53 vjeç) dhe Niman Arifi (21 vjeç).
