Deklarata e Kryeministrit Rama për Donald Trump ditën e djeshme, është bërë sot objket i ironizë së kryedemokratit Lulzim Basha, i cili e ka cilësuar Ramës si liderin botëror që së fundmi, ka zgjedhur tu mësojë të tjerëve se kë të zgjedhin.
Rama ishte i pranishëm në Kosovë ditën e enjte dhe ka dhënë një intervistë në Klan Kosova, nga ku ka thënë se nëse President do zgjidhej Donald Trump, do të rrezikoheshin marëdhënie Shqipëri- SHBA.
Sipas Bashës, Kryeministri tanimë ka gati recetëm për Presidencialet amerikane, duke e cilësuar Ramën si një Borat.
STATUSI I BASHËS:
Lideri global ka marrë së fundmi një angazhim mbi të zakonshmen, ka vendosur të mësojë amerikanët si të zgjedhin Presidentin e tyre. Nuk është nga ato pleqërimet me Koçon te lapidari i Vunoit, është një punë që kërkon ta bëjë tani, sa më shpejt. Pasi e ndriti në Shqipëri, duke vendosur krizën dhe varfërinë më të thellë, duke instaluar oligarkinë kriminalo-korruptive, duke konkuruar edhe Trumpin për pasuri personale, pasi shkel çdo ditë ligj dhe kushtetutë, kokoshi ka gati recetën për presidencialet amerikane. Arroganca dhe deliri si rregull e kanë një kufi, por lideri botëror po tregon se për të, këto çrregullime janë të pamata. Amerikanët shpesh e gjejnë një Borat për të kaluar ca orë në ekrane apo kinema. Kësaj radhe regjisorët s’kanë nevojë të lodhen shumë. Personazhi është vetofruar.
