Kreu i opozitës e ka vënë sërish theksin tek zgjedhjet e lira dfhe të ndershme, si një kusht kryesor në integrimin e vendit në BE, në takimin që ka patur me drejtorin e Zgjerimit në KE, Christian Danielson.
Basha nuk ka harruar të vërë theksin dhe tek moszbatimi i ligjit të dekriminalizimit, korrupsioni qeveritar dhe trafiku i drogës.
“Sfida më e madhe sot është garantimi i zgjedhjeve të lira në kushtet kur procesi zgjedhor kërcënohet nga droga me mbeshtetje qeveritare”– shkruhet në njoftimin e PD-së.
“Kryetari i Partisë Demokratike dhe Drejtori për Zgjerimin ndanë vlerësimin se vëmendja maksimale për cështjet e mprehta që po vuan vendi, si droga dhe krimi i organizuar, zgjedhjet e lira dhe lufta kundër korrupsionit, është e nje rëndësie kardinale në përballimin e këtyre sfidave” shkruhet më tej në njoftim.
Javën e kaluar në parlament, Kryeministri Edi Rama është përplasur me opozitën në lidhje me lajmin për hapjen e negociatave me BE-në, duke thënë se PD po vë “kushte” që askush nga Bashkimi Europian nuk i ka kërkuar. Javën e kaluar, disa orë përpara ardhjes së lajmit të mirë, në mbledhjen që u zhvillua në Bruksel, PD doli hapur kundër vendimit për hapjen e negociatave, pa u plotësuar fillimisht kushte si zgjedhjet e lira dhe të ndershme, dhe përmirësimi i luftës kundër kanabisit e korrupsionit qeveritat.
Kushti i vetëm i vënë nga BE ka qen/ dhe mbetet zbatimi rigoroz i reformës në drejtësi, në veçanti zbatimi i Vetting-ut, ligj të cilin PD e ankimoi në Gjykatën Kushtetuese./java/a.k
