Kreu demokrat, Lulzim Basha, ka zhvilluar një takim ditën e sotme me deputetin socialist Pandeli Majko.
Burime nga hotel ‘Rogner’ raportojnë se takimi mes Bashës dhe Majkos ka nisur rreth orës 11 të paradites të së martës.
Pandeli Majko, ish-kryeministër socialist, aktualisht është anëtar i komisionit për Reformën në Drejtësi.
Në përfundim të takimit, dy politikanët i janë përgjigjur shkurt interesit të gazetarëve duke thënë se temë e diskutimit ishte asambleja e NATO-s që do të mbahet në Tiranë pas 10 ditësh. Basha tha se ka një ftesë nga Majko për të marrë pjesë, por kjo do të varet nga axhenda e aktiviteteve politike.
Basha: Falënderoj zotin Majko për kontributin e dhënë në vite dhe shpresoj që dialogu politik të mos përbëjë lajm në Shqipëri, edhe kur vjen nga pole të kundërt.
Majko: Tema ishte asambleja e NATO-s
(javanews.al / r.a)
