Me tone të ashpra Lulzim Basha ka sulmuar sot qeverinë ndërsa bëri thirrje publike drejtuar ambasadës amerikane në Tiranë për t’i ndalkuar udhëtimin në SHBA Edi Ramës.
Basha vijojë akuzat edhe ndaj George Soros duke e cilësuar si mercenar që e ka ndihmuar Ramën për ta kapur drejtësinë përmes Reformës.
Kreu i PD u tregua i ashpër edhe me ambasadorin amerikan Donald Lu, teksa tha se po përdor dy standarde për vizat e udhëtimit. Duke iu referuar heqjes së vizës ndaj disa gjyqtarëve dhe prokurorëve, Basha i bëri thirrje Lu-së që t’i ndalojë hyrjen në SHBA edhe Edi Ramës.
Sipas tij, Edi Rama ka përgjegjësi penale para SHBA-ve për donacionet në favor të fushatës së Obamës dhe fotografisë me ish-presidentin amerikan.
“Nuk mund të ketë dy standarde. Dikujt i hiqet viza dhe dikujt t’i lejohet ndërkohë që shkel ligjin e shtetit amerikan. Ndaj thirrja ime publike për Donald Lu është t’ia heqë vizën Edi Ramës” – tha Basha.
Kryedemokrati u ndal edhe në zgjedhjen e presidentit duke u shprehur se ai do të dalë nga vullneti i popullit. Basha tha se populli po i prish pazaret Rama-Meta ndërsa opozita është e gatshme të votojë Vettingun vetëm pas qeverisë teknike. /javanews/b.d
