Kryetari i Partisë Demokratike Lulzim Basha shprehet i bindur se nuk ka asnjë përçarje në gjirin e opozitës.
Madje ai tha se 13 tetori është e vetmja datë zgjedhjesh, ku tha se institucionet e administrimit të zgjedhjeve duhet të zbatonin dekretin e Presidentit, madje paralajmëroi se kur institucionet shkelin dekretin dhe Kushtetutën, ato duhet dhe do të mbajnë përgjegjësi penale.
Për 30 qershorin, ai shtoi se pushteti vendor u grabit me dhunë.
“Vendimi i opozitës për të mos hyrë në zgjedhjet e qershorit ishte unanim. Disa parti të opozitës u regjistruan për në zgjedhjet e 13 tetorit, si një mënyrë për të mos çuar KQZ në paligjshmëri”, u shpreh Basha, duke vlerësuar kontributin e Presidentit Ilir Meta për zgjidhjen e krizës.
Madje shtoi më tej se rruga e zgjidhjes së krizës politike, është zgjedhje të lira dhe të ndershme pa Edi Ramën Kryeministër dhe mbajtja në një ditë e zgjedhjeve të përgjithshme.
/a.r
