Lulzim Basha u pyet sot nëse është penduar për përjashtimin e Sali Berishës nga PD.
Gjatë takimit me të rinjtë në Vlorë ai tha se ajo ishte një sprovë e lidershipit, por që në thelb kishte interesin e demokratëve.
Sipas Bashës, pa përjashtimin e Berishës PD do të futej në një kolaps me Perëndimin.
“S’jam bërë pishman për përjashtimin e Berishës sepse vendimin s’e kam marrë nga interesi im, por nga interesi i demokratëve që e panë në 14 Maj se ku na çon vendimarrja e gabuar. Por mua s’do më dëgjoni kurrë të lëpij atë që kam pështyrë. As të shkel mbi atë që kam ecur se kam menduar që është rruga e drejtë” – tha Lulzim Basha.
/a.r
