Që Partia Demokratike nuk ka qenë ndonjëherë dakord me ndarjen e re territoriale me 61 njësi vendore kjo dihet. Megjithatë, edhe pse vendosi të hyjë në zgjedhjet vendore, kryetari i Partisë demokratike Lulzim Basha theksoi se do vijë shpejt dita që të griset harta elektorale që u miratua nga dyshja Rama-Meta.
Gjatë një takimi me banorët e Paskuqanit, Basha theksoi se kandidati i PD-së për Bashkinë e Kamzës Xhelal Mziu do ketë dy zyra një në Kamëz dhe tjetrën në Paskuqan për tu qëndruar dhe shërbyer banorëve.
“Hapi i parë është të votoni për platformën e PD e cila pavarësisht hartës elektorale të dyshes Rama Meta ju siguron që mos shkoni deri në Kamëz për të zgjidhur problemet por përgjegjësit ti keni këtu. Kandidati jonë Xhelal Mziu më tha që do kem dy zyra një në Kamëz dhe një në Paskuqan. Më tha nëse paradite do jem në Kamëz pasdite do jem në Paskuqan. Edhe të zgjedhurit tuja deri sotëm dhe njerëz të përkushtuar të shërbimit do i kërkohet të jenë natë e ditë pranë jush deri sa të vi dita që këtë hartë oligarkike ta grisim dhe ta zëvendësojmë me hartën që doni ju dhe do e zëvendësoni ju. Vëllezër dhe mora 21 qershori nuk është vetëm çështje e hartës elektorale është dita e llogaris së munguar, e llogaridhënies së munguar për bëmat e dyshes Rama Meta.” u shpreh Basha.
Më tej Basha theksoi se qeverinë e ka zen paniku dhe se ka filluar të kërcënojë qytetarët se do u heqin ujin, bukën dhe punën. Sipas kreut të PD-së, dyshja Rama-Meta ju shmangën ballafaqimit me qytetarët.
