Deputetët e PD, Dhurata Çupi dhe Dashnor Sula kanë qenë sot në seancën e Gjykatës Kushtetuese ku u shqyrtua kërkesa e bërë nga PD për shfuqizimin e Bordit të Çmimeve të Karburanteve.
Dashnor Sula në rubrikën “Opinion” tha se tashmë çështja ka marrë rrugën ligjore dhe se nga Gjykata u është kërkuar që të vënë në dispozicion disa dokumente shtesë për këtë rast.
Sula tha se shumë shpejt këto dokumente do të vihen në dispozicion të drejtësisë, duke thënë se shpreson në një vendim të drejtë dhe të pa ndikuar.
“Kjo seancë ishte e rëndësishme duke pasur parasysh që bëhet fjalë për një bord që e kemi për qytetarët. Për mua është një bord klientelist dhe përfitues, që rëndon ekonominë e familjeve. Pra bën një vit tani në mars. Dua të falënderoj gjykatën kushtetuese.
Duhet të ishte në nderin e qeverisë. Mjaftoj të kujtoj dy deklarata. Në janar thanë që ka kaluar aktualiteti dhe bordi i transparencës do të hiqet. Çmimi i naftës ka filluar të rritet që në vitin e kaluar, në gjashtë muaj nuk u bë asnjë veprim.
Kjo u bë në interes të dy kompanive. Këto janë pjesë të bordit që sjellin karburantin këtu. 1 ose 2 kompani në çmimet tabelë i kanë më të larta. Shumica e tregtarëve kanë interesa okulte të forta. Përballë jush kam nxjerrë fakte tronditëse, që qoftë SPAK apo gjykata duhet ti ndjekë.
Na kërkuan gjyqtarët dhe disa të dhëna, që do ua vëmë në dispozicion, dhe shpresoj që të vendosin të kirë dhe të mos jenë në presion. Besoj tek integriteti i tyre, por po paralajmëroj që uroj që vendimi të mos jetë i ndikuar”, tha ai.
Sa i përket deklaratës së bërë sot nga KQZ, dhe kreut të këtij institucione, Ilirian Celibashi, ai tha se ky vendim ka të mirat dhe të këqijat e tij.
“Ky vendim ka dhe të mirën dhe të keqen e vet. E mira është se u çorr maska që na akuzonin se ndikon Rama, se Celibashi i Ramës është. Ai vetë tha që njoh në perceptimin tim njoh Berishën por letrat tregojnë se kryetar është Basha. Ai është autorizim i para një viti, rutinë. Unë nëse firmos Basha do të thotë që gjithçka çfarë kemi thënë, paskemi fol kot. Ai ka ikur? Pse duhet ta firmosur?
Basha është larguar dhe të rrijë atje ku është, të mos kthehet më kurrë. Më dhimbset PD, nëse Basha ka axhendë individuale politike, do të ishte e tmerrshme. Bashkëpunim dhe armëpushim deri në 14 maj, çasti vendimtar për ne është 14 maji. Të gjithë kanidatët e primareve të regjistrohen nën siglën e PD. Kush fiton kështu? Berisha, sepse janë njerëzit e tij. Por këta përdorin gjuhën e linçimit, thonë është e jona e kemi rrit ne dhe duam të vendosim ne. Së këtyre shëndet t’u thuash, plaç të thonë.
Ne jemi grupi me i urtë. Se me këta është si shprehja ‘po fjete në krevat me këto je grua e ndershme, po s’fjete në krevat me ta je grua e përdalë’. Deri dje Basha ishte fëmija i llastuar i këtyre, ylli polar. Një ditë të bukur u bë spiun i rusit dhe që donte të shkatërronte opozitën. Po mirë mo kush i beson këto?! Celibashi duhet të reagojë dhe ta regjistrojë PD pasi nuk ka asnjë arsye për të mos e bërë”, u shpreh ai./m.j
