Kryetari i Partisë Demokratike Lulzim Basha reagoi pas deklaratve të ramës që I bëri thirrje opozitës të zhbllokojë Vettingun. Basha i kërkoi ramës t’i japë fund sulmeve ndaj opozitës, duke shtuar se Vettingu është pretekst i Ramës për të mbuluar dështimet e tij. Basha i bëri thirrje Ramës të ulen në tryezë për të amenduar Vettingun në përputhje me kushtetutën, pa pasur sipas tij nevojë për mendimin e Kushtetueses.
“Problemi i drogës i është bërë i qartë Edi Ramës nga të gjithë, edhe mua. Kam një thirrje ndaj Edi Ramës: mjaft me sulme ‘don kishoteske’ ndaj politikanëve të huaj. Mjaft më duke shpallur armik opozitën. Nuk do ketë kurrë paqe për Shqipërinë me drogën. Nuk do ketë paqe as për ty nëse vijon të mbështesësh drogën dhe krimin. Në lidhje me Vettingut, i bëj thirrje Edi Ramës ta amendojmë ligjin pa pasur nevojë për vendimin e Kushtetueses. Edi Rama do që ta bëjë ai vet Vettngun, se ska si të mbrojë krimin. Ai nuk do zgjidhje, e ka Vettingun pretekst për të mbuluar dështimet e tij. Vettingu mund të bëhet që sot, që tani, duke respketuar kushtetutën me konsensus”, tha Basha.
Po ashtu ai bëri thirrje për zbatimin e dekriminalizimit.
“Për aq kohë sa Rama mban në politikë Rroshin, Prengën dhe të inkriminuarit e tjerë, pretendimet për Vettingun janë pretekste”, vijoi Basha./a.m.
