Kryetari i PD Lulzim Basha akuzoi pak minuta më parë kryeministrin Edi Rama dhe ministrin e Brendshëm Fatmir Xhafaj se në bashkëpunim me prokurorinë kanë vënë në lëvizje një skenar kriminal për të mohuar përgjimin, si dhe duan të likuidojnë dëshmitarin dhe familjen e tij.
“Këto skenarë kanë si qëllim mbrojtjen e krimit. Xhafaj nuk është arrestuar por është përcjellë në Itali. Qëllimi nuk është vuajtja e dënimit, por largimi. Prej 72 orësh po ushtrohet presion ndaj dëshmitarit. Në këtë bashkëpunim është edhe krimi. Qëllimi është shkatërrimi i provave. Skenari është që të mohojë audiopërgjimin. Policia dhe prokuroria nuk arrestojnë kriminelin e kapur në flagrancë, i janë sulur dëshmitarit. Nëse Xhafaj largohej do kishte hetim. Rama dhe Xhafaj e dinë se përgjimi është autentik, por po duan ta kompromentojnë dëshmitarin”, deklaroi Basha.
ma.me
