Kryetari i Partisë Demokratike Lulzim Basha reagoi në lidhje me hetimin e një shtetasi shqiptar në fushatën e presidentit Barack Obama. Në disa media, u përfol edhe emri i Edi Ramës si i lidhur me personin që dha 80 mijë euro për fushatën e Obamës. Ky person kishte mundësuar sipas mediave hyrjen e Edi Ramës në një aktivitet në vitin 2012, ku ai bëri edhe një foto me presidentin Obama, të cilën e shpërndau në llogarinë e tij në facebook. Në lidhje me këtë çështje kryeopozitari Basha deklaroi se drejtësia amerikane ka nxjerrë emrin e Ramës, si një perosn që ka kryer një krim federal.
“Hetimet e bëra publike nga Departamenti amerikan i Drejtësisë, tregojnë se Edi Rama qëndorn pas një krimi të rëndë federal të kryer në BE, si dhënës i 80 mijë dollarëve për fushatën e presidentit Obama, që ndalohet kategoriskisht futja e parave nga një burim i huaj. 80 mijë dollarë ka paguar Edi Rama për një foto, 80 mijë dollarë për një ashtrim, për tu hedhur hi syve të shqiptarëve. Në rrugën e tij të marrjes së pushtetit nuk u ndal, duke thirrur në armë gjithëfarë kriminelësh. Ky krim i rëndë federal i porositur dhe i paguar nga Edi Rama tregon edhe njëherë se si e nisi rrugën drejt pushtetit, E nisi me krim dhe po sundon me krim, e mbushi parlamentin me kriminelë që i nxori nga çdo vrimë ku ishin fshehur”, deklaroi Basha.
Më tej lideri i opozitës tha se Rama nuk i shpëton dot drejtësisë amerikane. Sipas tij, çështja në fjalë tregoi edhe njëherë se Rama kërkon të kapë sistemin. Ai i bëri thirrje prokurorisë shqiptare të hetojë rastin në fjalë.
“Në një shtet ku ligji nuk blihet, ai guxoi të mashtrojë stafin e presidentit Obama. Ajo foto tregon qartë mendësinë e Edi Ramës, për të cilin me paratë e pista blihet gjithçka. Kjo foto është tjetër tregues se drejtësia nuk mund të kapet nga Edi Rama. Drejtësia që do Edi Rama është drejtësia e kontrolluar prej tij. Drejtësia që dio ai ëhstë modeli i bashkëshortes së Sadushit që ktheu dje dy policët e skandalit të përgjimeve në detyrë. Unë sot du ti bëj thirrje prokurorit shqiptar që paralelisht me hetimet e FBI, të nis paralelisht hetimet. Ku i gjeti Edi Rama 80 mijë dollarë kur kishte deklaruar vetëm 3 mijë euro pasuri. Apo janë para korrupsioni, çfarë kanë marrë financuesit në këmbim? Edi Rama duhet dhe do të japë llogari për krimin e tij”, tha Basha./a.m.
