Pas deklaratës së Kryeministrit Rama se vendimi i Gjykatës Kushtetuese për heqjen e mandatit të Kokëdhimës është një arsye më shumë për të bërë reformën, ka reaguar Lulzim Basha. Përmes një postimi në rrjetin social kryedemokrati tha se Rama e do reformën që të shpëtojë Kokëdhimën dhe “kokdhimët e tjerë”. Basha shkruan se është PD dhe ndërkombëtarët, ata që e duan reformën në të vërtetë, ndryshe nga qeveria, e cila sipas tij është e interesuar që të mbajë në pushtet klikën e oligarkëve.
“Sot e tha me ze dhe figure pse e donte reformen ne drejtesi Rama: qe te shpetonte Kokdhimen e kokdhimet e tjere. Sakaq kercenoi gjyqtaret qe nuk e hengren presionin e tij per te mbrojtur Kocon.
Ky ka qene dhe ky eshte koncepti i tij per reformen: Te kape drejtesine, te mbaje mbi ligjin kliken e tij te oligarkeve alla koco dhe krimineleve alla shullaz, te marre hak ndaj gjyqtareve qe guxojne te ndeshkojne per abuzime flagrante miqte e tij, sic beri sot me gjyqtaret e Kushtetueses te cilet i kercenoi hapur sepse zbatuan ligjin, sepse mbrojten parate e publikut.
Llomotit kot, kercenon nga marazi.
Reforma “Rama” per kapjen e drejtesise ka deshtuar perballe vizionit demokratik te opozites dhe angazhimit serioz te SHBA, BE dhe Komisionit te Venecias. Reforma Rama per kapjen e drejtesise nuk ka me asnje shans. Kredibilitetin per te cuar ne fund reformen ne drejtesi qe nuk mbron por ndeshkon korrupsionin e ka PD ne bashkepunim me partneret nderkombetare.#Shqiperia me mire pa Edi Ramen.”- shkruan Basha.
javanews/ a.k
