Kryetari i PD Lulzim Basha i ka bërë thirrje gjithë qytetarëve por edhe spektrit politik, të bashkohen kundër së keqes që sipas tij po mban peng vendin. Ai ka ftuar të majtë e tëdjathtë të bashkohen kundër kryeministrit Rama dhe atij që ai e quan pushteti i krimit.
“Ju që deri dje besuat te Edi Rama, ju që deri më sot u joshët duhet të shikoni të vërtetën. E vërteta ëhstë se në Shqipëri nuk do ketë rend dhe demokraci me Edi Ramën. Shqipëria ka njerëz të dnershëm. Vetë PS ka njerëz të ndershëm dhe për PS është e pafalshme që ja ka dorëzuar pushtetin Edi Ramës. PS duhet të shohë të vërtetën në sy”, deklaroi Basha nga foltorja e parlamentit.
Ai tha më tej se Tahiri vijon të jetë i lirë pasi nuk ka pasur reagim të unifikuar kundër krimit.
“E vërteta tjetër e madhe është se e vetmja arsye që Tahiri është i lirë është se ne nuk kemi reaguar. Kur të jemi të gjitha bashkë përballë Edi Ramës përtej paragjykimeve, pushteti i Ramës merr fund, dhe bashkë me të edhe pushteti i krimit”, tha Basha./a.m.
