Ka nisur në ditën e 42-të protesta e banorëve të “Astirit” të cilët kundërshtojnë shembjen e shtëpive që preken nga projekti i zgjerimit të Unazës së Madhe. Në mbështetje të banorëve ka shkuar edhe kryetari i PD, Lulzim Basha i cili ka lënë mbledhjen e Kuvendit Kombëtar dhe i është bashkuar protestës. Në një prononcim për mediat Basha tha se sot i gjithë vendi ndodhet në protestë. Ai tha se PD mbështetet protestat e banorëve të Unazës së Re dhe ato të studentëve. Apeli i tij ishte që të gjithë qytetarët t’i bashkohen protestës studentore.
“Sot e gjithë Shqipëria është ngritur në protestë. Janë shenja më e qartë e gjendjes së energjencës ku ndodhet vendi. Banorët e Unazës janë bashkuar me studentët. Ftesa ime është të dalin të gjithë qytetarët masivisht në protestë. Sot i drejtoj një ftesë të gjithë qytetarëve që të bashkohen me protestën e studentëve. Ne mbështesim tetë pikat e tyre. PD ka 3 vite që kërkon shfuqizimin e ligjit të arsimit të lartë. Ata që e aprovuan këtë ligj e bënë për të zhvatur xhepat e qytetarëve”, tha Basha./a.meta
