Partia Socialiste ka zgjedhur deputeten Gjylameti për të shprehur qendrimin e radhës ndaj kreut aktual të Bashkisë, Lulzim Basha.
Blerina Gjylameti tha sot se Basha nuk ka mbajtur asnjë premtim të bërë në vitin 2011, ndërkohë që i konsideroi 4 vitet e qeverisjes së PD-së në krye ta Bashkisë Tiranë si një dështim.
Nga selia rozë, deputetja Blerina Gjylameti tha se Basha nuk ka mbajur asnjë nga premtimet e bëra.
Nga ana tjetër, ajo tha se Basha artikulon gënjeshtra, si ato për tramin, bulevardin apo terminalin multimodal.
“Lulzim Basha sot nuk guxon më as të shfaqet në Tiranë. Bredh nëpër Shqipëri duke premtuar çudira, por nuk gjen qoftë edhe një moment për t’u dalë përpara banorëve të Kryeqytetit e për t’u ballafaquar me ta për bilancin e një mandati të dështuar.
Lulzim Basha premtoi çudira e projekte madhështore në 2011. Por në 4 vjet nuk arriti të realizonte as projektet më të thjeshta në ndihmë të banorëve të kryeqytetit.
Duke filluar nga vera e vitit 2012, premtoi Luli, Bashkia e Tiranës me Lulin Kryebashkiak do të financojë shkolla dhe kopshte verore për të gjithë fëmijët, nënat e të cilëve janë në marrëdhënie pune.
Nuk është çudi që pas kësaj deklarate ndonjë zëdhënëse e Lulzim Bashës të dalë e të na shpjegojë sesi në fakt këto shkolla e kopshte verore janë organizuar por ne nuk i kemi parë. Ashtu siç nuk kemi parë as tramvajin, bulevardin e ri, apo kartën e studentit.
Për të hequr çdo hije dyshimi ne i ftojmë sot qytetarët e Tiranës të na thonë nëse kanë dëgjuar gjëkundi për këto shkolla. Nëse kanë ndonjë të afërm, komshi apo koleg të cilit Bashkia e drejtuar nga Luli i paska krijuar mundësinë të dërgojë fëmijët në këto shkolla e kopshte verore.
E vërteta është e thjeshtë dhe e dukshme për të gjithë. Si kur bëhej fjalë për projekte madhore, si kur bëhej fjalë për projekte modeste, premtimet e Lulit sot nuk vlejnë as sa letra mbi të cilën janë shtypur.
Kryeqyteti sot më shumë se kurrë ka nevojë për një njeri që të punojë për Tiranën dhe qytetarët e Tiranës, jo nga Holanda apo SHQUP-i por si kryetar i Bashkisë së Kryeqytetit. Në 21 qershor qytetarët do t’i tregojnë Lulit me votë se çfarë mendimi kanë për modelin e tij të dështuar të qeverisjes. Në 21 qershor qytetarët do të bëjnë zgjedhjen e duhur për drejtimin e duhur”, deklaroi deputetja Gjylameti,
