Lulzim Basha deklaroi pas një takimi pune me ministrin e Punëve të Jashtme të Austrisë, Sebastian Kurz, se opozita e jep votën për krijimin e Byrosë Kombëtarë të Hetimit nëse respektohet drafti sipas kushtetutës. Në një deklaratë para mediave, kryeopozitari theksoi se varianti i propozuar i mazhrancës nuk është ai që u paraqit në fillim.
“Me ndërmjetësimin e partnerëve amerikan dhe Venecias ky është një variant tjetër dhe ajo ai që kemi dhënë vlerësimi tonë. Rama nxori Ahmetajn pesë ditë më parë se nuk do e miratonte draftin e më pas ndryshoi mendim. PD ka thënë që është e vendosur që të miratojë reformën në drejtësi sipas draftit të Venecias dhe nëse mazhoranca e ka këtë vullnet ne e votojmë sot”, tha Basha.
Ndër të tjera Basha u shpreh se pika që i ndan nga qëndrimi i mazhorancës është se Byroja e Hetimit duhet të jetë nën varësinë e Prokurorisë së Përgjithshme.
“Një variant që nuk merr parasysh Venecian, është në trk dhe nuk do votohet. Por nëse është i sinqertë dhe do Byronë e Hetimit, që sot jemi gati që të votojmë draftin, nëse jo duhet ta marrë vesh çdo shqiptar se kush është kampioni i hileve dhe turkeve. Pika që na ndan është dakordësimi që ky institucion të jetë nën varësinë e Prokurorisë siç e përcakton kushtetua, Venecia dhe Shtetet e Bashkuara të Amerikës”, tha Basha.
BW
