Kësaj here kryetari i Partisë Demokratike Lulim Basha ka shigjetuar një sërë akuzash drejtuar Ministrit të Ekonomisë Arben Ahmetaj, duke e cilësuar me ironi si peshkaqenin e madh të bardhë dhe mësuesin më të pasur në botë të anglishtes, i cili sipas liderit të opozitës ka bërë afera korruptive me një komapni turke për koncensionin e Skavicës. Basha i hodhi akuzat gjatë mbledhjes së grupit të PD0së, ku theksoi se ka fakte që kompanisë turke iu premtua dhënia e konçensionit të Skavicës. Kryedemokrati ju referua sistemit TIMS dhe shmangieve që ka bërë Ahmetaj teksa ka udhëtuar drejt Turqisë me çarterat e komapnisë turke. Basha tha se Skavica do duhej të ishte një pronë publike dhe jo t’i falej një kompanie pa eksperiencë në sektorin e energjitikës.
“Arben Ahmetaj, një specie e rrallë, Peshkaqeni i madh i bardhë, mësuesi i vetëm i anglishtes me një pasuri kaq të madhe.. I ‘shkau gau’ te Arjan Çani dhe pohoi se investimi madhor i qeverisjes është Syzeri, që i solli charterin. Suzeri ti ka gjetur miqtë edhe në aviacionin turk. Sa herë ka udhëtuar me çarter? Sa herë ka udhëtuar dhe kush ia ka paguar.. I fshiu të dhënat e TIMS-it.. si ke vënë vulë pasaportës, por të dhënat e aviacionit nuk i fsheh dot. Të përgjigjet sa herë ka udhëtuar me charter vitin e kaluar, dhe kush ia ka paguar hotelin”- tha Basha.
Basha po ashtu deklaroi se PD është dakort pë ngritjen e Byrosë Kombëtare të Hetimit pas propozimit të partnerëve të SHBA-së. Por sipas Bashës, Edi Rama, nuk flet fare për këtë çështje, pasi sipas tij “dikush po i tërheq xhaketën”.
“PD ra dakort me ekspertët e huaj për draftin e Byrosë së Hetimit. Kemi tre muaj që kemi dhënë dakortësinë. Ky zotëri që çirret nga mjesi deri në darkë, pse nuk e jep dakortësinë e tij? Kush ja ka kapur xhaketën? Një forcë e madhe duhet të jetë.”- tha Basha.
Në lidhje me reformën në drejtësi Basha shtoi se emri që simbolizon pengesën për reformën në drejtësi është Edi Rama. Nga ana tjetër, Basha i bëri ftesë kryeministrit që të ulen në tryezë dhe të dakortësohen për një reformë të pakapur politikisht.
“Jemi në një situatë absurde kur opozita e ofron bashkëpunimin, e qeveria e refuzon me 64 vota. Shpëtimi nuk mund të jetë keqpërdorim i reformës. Ne jemi të gatshëm që kjo reformë të bëhet. Reporterët erdhën e shkuan, ne presim dhe opinionin final. Drejtësia shqiptare nuk do të kapet, ndaj dhe tani është momenti që ai si kryeministër të dalë dhe të flasë qartë, nëse e kishte, e ka me të vërtetë bërjen e reformës në drejtësi. I përsëris ftesën, që të ulemi në tryezë që të bëjmë një reformë të pakapur politikisht. “- tha kryedemokrati.
Basha ka denoncuar gjithashtu një sërë konçensionesh të tjera, ndër to, edhe një të ri, që sipas kryedemokratit ka të bëjë me çipin e targave, ku shqiptarëve do tu fuhet të paguajnë 50 euro secili.
“Jemi njoftuar për një tjetër koncesion, targa të reja me çip 50 euro do paguajë çdo shqiptar… Korrupsioni me koncesionet ka marrë erë dhe po qelbet. Rama të japë me koncesion edhe qeverinë e vetë e të dredhë zinxhirin. Qeverinë do ta dorëzojë por jo me koncesion, shqiptarët do kenë qeverinë që meritojnë”- tha Basha.
