Kryetari i Partisë Demokratike Lulzim Basha priti në një takim ministrin e jashtëm hungarez Peter Szijjarto. Në fokus të takimit ishte rruga e integrimit të Shqipërisë në BE. Basha deklaroi se gjatë bisedës, kërkoi nga ministri hungarez mbështetjen e vendit të tij për Shqipërinë në procesin e hapjes së negociatave.
“I kërkova ministrit të jashtëm hungarez të mbështesë integrimin evropian të Shqipërisë, e në veçanti procesin e hapjes së negociatave. Gjatë bisedës që pata me ministrin biseduam për sfidat dramatike që ka Shqipëria. E sigurova minsitrin se PD dhe opozita do vijojnë betejën për zgjedhje të lira e të ndershme, zbatimin e dekriminalizimit, luftën kundër drogës dhe zbatimin e 5 kritereve jo vetëm si rruga më e sigurtë për integrimin por edhe si interes esencial për Shqipërinë dhe bashkëpunimin tonë”, deklaroi Basha./a.m.
