Ish-nënkryetari i Partisë Demokratike, Edi Paloka, ka ironizuar Lulzim Bashën, i cili edhe pas mbledhjes së sotme të kolegjit të kryetarëve, nuk ka dhënë sinjale se do të tërhiqet.
“Dy herë, me dy deklaratat e tij së fundmi, Lulim Basha është treguar vërtetë i sinqertë. Deklaroi se nuk ka humbur asnjëherë! Shumë e vërtetë, ai nuk ka humbur asnjëherë, përkundrazi, pas çdo humbjeje të PD atij i janë shtuar pasuritë. Ata që kanë humbur kanë qenë demokratët”, shkruan Paloka në Facebook.
“Tani deklaron se është gati të bëjë çdo gjë që ka në dorë, por jo dorëhqjen që i kërkon grupi i tij. Kjo për arsyen e thjeshtë se dorëheqjen nuk e ka në dorë ai, por ata që e mbajnë peng!: Por as PD, as demokratët nuk mund të mbeten peng i tij. Tani rruga për t’u ndjekur dihet. Secili bën zgjedhjen e tij”.
/a.r
