Kryetari i Partisë Demokratike, Lulzim Basha, bëri një vizitë në familjen e bukëpjekësit Xhevat Koburja në Elbasan, për t’i shprehur ngushëllime gruas së të ndjerit, Zaje Koburja.
Bukëpjekësi dhe e shoqja u bënë viktimë e dhunës në furrën e tyre natën e 3 janarit, kur grabitës të maskuar i goditën me sende të forta.
Të dy u shtruan në spital në gjendje të rëndë, por, ndërsa gruaja nuk pati probleme të mëtejshme, furrtari nuk u rezistoi dëmtimeve të marra dhe ndërroi jetë.
Grabitësit u larguan nga vendngjarja me 140 mijë lekë dhe ende nuk janë identifikuar nga policia.