“Shkodra po perjeton situatën më të rëndë kriminale të 27 viteve demokraci. Në vetëm 3 muaj 6 persona u vranë dhe 2 janë ende të zhdukur. Opozita parlamentare nis sesionin me takim të jashtëzakonshëm në Shkodër si mesazh qendrese kundër krimit me mbështetje qeveritare”.
Kështu shkruan Lulzim Basha në Facebook teksa publikon edhe mbledhjen LIVE të opozitës në qytetin verior.
Në fjalën e tij, kreu i PD kërkoi largimin e Drejtorit të Policisë Qarku Shkodër duke e kërcënuar atë si bashkëfajtor në kriminalitet.
“Në më pak se 3 muaj kanë ndodhur 6 vrasje mafioze dhe janë rrëmbyer 2 persona. Kjo është situata në Shkodër. Këtu duhet të ishte kryeministri, jo për të shitur mend dhe për të bërë batuta, por për të raportuar arrestimin e kriminelëve që kanë 6 muaj që terrorizojnë Shkodrën. Por Rama nuk mund të jetë këtu, është në Tiranë me Çyrbjen, Taulant Ballën e Fatmir Xhafën” – tha Basha.
/b.d
