Kryedemokrati Lulzim Basha ka zhvilluar dje takime me banorë të Sukthit. Takimi është zbardhur vetëm sot nga zyra e shtypit të PD, e cila shkruan se banorët po vuajnë ende pasojat e tërmetit në kohën e pandemisë.
“Sukthi dhe banorët e tij ende vuajnë pasojat e tërmetit të nëntorit. Asnjë ndihmë për banorët me shtëpitë e shkatërruara, asnjë kujdes për situatën e pandemisë që i ka çuar në varfëri të tejskajshme banorët e Sukthit”, thotë Basha.
Ai shton se “Ramavirusi” ka goditur rëndë këtë zonë dhe banorët e saj që sot më shumë se kurrë ndihen të braktisur dhe të lënë në harresë.
“Shtëpi të rrënuara dhe në pragshembje pas tërmetit, asnjë ndihmë financiare apo ushqimore, varfëri e shtuar, papunësi dhe mjerim. Kjo është gjendja e Sukthit sot. Alarmi i qytetarëve që takova në Sukth është dëshmi e qartë e pandemisë ekonomike që ka prekur shqiptarët. Rama i ka braktisur shqiptarët”, shprehet lideri i opozitës.
Ai shton se Rama dhe oligarkët e tij kanë vetëm një qëllim, të vjedhin taksat e shqiptarëve për t’u pasuruar në kurriz të qytetarëve të braktisur pa ndihmë dhe kujdes.
Si minister transporti, 240 milion euro; si minister i jashtem, marreveshja e detit; si minister i brendshem, 4 te vrare; vodhi mandatin ne krye ta bashkise me pol., Ristanin etj. Cfare duhet te beje tjeter qe te quhet horrvirus?!