Sot shënohet 105-vjetori i krijimit të Policisë së Shtetit. Me rastin e kësaj dite të shënuar për uniformat blu, kryetari i PD Lulzim Basha ka zgjedhur të nderojë uniformat me një vizitë në shtëpinë e oficerit të vrarë të policisë Artan Cuku.
Basha shoqërohej nga ish-Ministri i Brendshëm Flamur Noka dhe deputetët Enkelejd Alibeaj, Gent Strazimiri si dhe nga efektivë të liruar të policisë. Pas vizitës Basha dha një deklaratë ku ka vënë theksin tek veprimi sa më shpejtë i institucioneve për të dënuar ata që ngritën dorë ndaj Artan Cukut duke i marrë jetën. Ai tha se policia sot ndodhet në një moment të vështirë dhee tradhtuar.
“Në këtë 105 vjetor policia është në një moment tragjik, e tradhtuar nga drejtuesit politik. Nëse më parë kriminelët merrnin arratinë dhe policia ishte në ballë të luftës, sot kriminelët janë në krye të Policisë së Shtetit, ndërsa drejtuesit e policisë kanë marrë arratinë, ose janë goditur nga krimi, sikurse është oficeri Artan Cuku.
Të tjerë janë larguar si Dritan Zagani, pasi denoncuan lidhjet e pushtetit kriminal, lidhjet kriminale të Saimir Tahirit. Të bashkohemi në një aleancë vlerash për të shporrur aleancën e krimit”. /a.m.
