Kreu i PD-së, Lulzim Basha ishte i pranishëm në Fier në kuvendin e FRPD, nga ku e etiketoi qeverinë Rama si bandë hajdutësh. “Nuk ka shqiptarë që sot nuk e di se Shqipëria nuk ka një qeveri legjitime por një bandë hajdutësh që duhet larguar një orë e më parë”.
Duke vlerësuar të rinjtë, Basha tha: “Rinia është dhe do të mbetet zemra e PD, keni ardhur në një familje politike që e ndjen peshën e përgjegjësisë së partisë së lindur nga të rinj, nga Azem Hajdari, Sali Berisha, Gramoz Pashko që rrëzuan regjimin diktatorial 50 vjeçar. Të rinjtë dhe të rejat ushtrojnë një përgjegjësi të madhe. Me liri absolute dhe përgjegjësi absolute do të vendosni për kryetarin e ri të forumit. Votimi juaj është më shumë se një hap organizativ është një kushtrim se rinia po bëhet gati për kushtrim ku na ka thirrur koha. Sot një tjetër diktaturë rrezikon shqiptarët diktatura e krimit, korrupsionit, hajdutërisë, harbutërisë që e ka emrin Ilir Meta dhe Edi Rama. Ne u përballëm me gënjeshtrat e tyre me mashtrimet e tyre, me korrupsionin, me krimin që e futen në parlament dhe në qeverisje. Nuk ka shqiptarë që sot nuk e di se Shqipëria nuk ka një qeveri legjitime por një bandë hajdutësh që duhet larguar një orë e më parë”
Më tej duke u ndalur tek shifra Basha tha se vendi është në depresion. “100 mijë shqiptarë kanë kërkuar azil të dytët pas sirianëve. Kjo dramë e ka emrin Edi Rama. Me buxhetin e parashikuar për 2016 qeveria tregon se vetëm do ti thellojë dramat e shqiptarëve. Siç raporton BBC, shqiptarët fajëson sot Edi Ramën njësoj siç fajësonin Enver Hoxhën. Nuk po i lë gjë mangët me adhurimin e xhelatëve të diktaturës. E ka marrë dhe ky rrugën e Enverit. Më 8 dhjetor do ti japim goditjen e fundit. Me 8 dhjetor nuk do të mblidhemi për të protestuar, por për të rrëzuar diktaturën e krimit dhe korrupsionit”.
TCH
