Kryetari i Partisë Demokratike, Lulzim Basha vijoi turin elektoral në Durrës. Ai u ndal në një takim me qytetarët në zonën e ish-kënetës ku sulmoi kryeministrin rama dhe ish-kreun e LSi Ilir Meta. Basha deklaroi se ata vetëm kanë mashtruar popullin.
“Rama flet për reformë shtetërore, por kush e pengoi Edi Ramën të mos rriste çmimin e naftës dhe të investonte tek fëmijët tanë? E pengoi vetja e tij se kohën e kishte. Shqipëria i njeh mirë atë dhe aleatin e tij, Ilir Metën. Ata nuk mbajtën asnjë premtim dhe të gjitha i kanë mashtrime. Sa herë e kam ftuar në debat, po pse nuk vjen? Nuk vjen se nuk ka çfarë t’u thotë shqiptarëve se premtoi 300 vende pune, por nuk i arriti. Të bashkohemi sepse në 25 qershor do ndalim këtë të keqe. Me programin ekonomik do krijohet punësim. Shqipëria do ketë një nga TVSH më të ulëta në botë”- tha Basha./a.m.
