Kryetari i Partisë Demokratike Lulzim Basha ka përshëndetur vendimin e parlamentit të Maqedonësë për miratimin ligjit për gjuhës shqipe.
Përmes një postimin në facebook Lulzim Basha, e quan këtë vendim një hap të rëndësishëm në realizimin e statusit të gjuhës shqipe në Republikën e Maqedonisë.
“Vleresoj qendrimin e forcave politike Maqedonase qe mbeshteten me voten e tyre kete ligj, i bindur se kjo vote eshte nje kontribut i rendesishem per bashkejetesen etnike dhe konsolidimin e nje shoqerie demokratike ne Maqedoni”, shkruan Basha në Facebook.
Postimi i plotë i Bashës
“Miratimi i sotëm i ligjit të gjuhës shqipe nga parlamenti i Maqedonisë është një hap i rëndësishëm përpara në realizimin e statusit të gjuhës shqipe në Republikën e Maqedonisë.
Përshëndes këtë hap si një sukses i bashkërendimit dhe bashkëpunimit të faktorit politik shqiptar në Maqedoni.
Vlerësoj qëndrimin e forcave politike Maqedonase që mbështetën me votën e tyre këtë ligj, i bindur se kjo votë është një kontribut i rëndësishem për bashkëjetesën etnike dhe konsolidimin e një shoqërie demokratike në Maqedoni.
Partia Demokratike nxit këtë klime uniteti mes faktorit politik shqiptar dhe bashkëpunimi me atë politik maqedonas si një garanci për një Maqedoni të orientuar drejt standarteve dhe vlerave euroatlantike dhe europiane”.
a.ç
